Centro de Empresas OBANCA 

!_cabzonapri

Acceso al área privada de la web

Centro de empresas Obanca. Vista exterior
Está viendo:

CRITERIOS XENERALES D'ADXUDICACIÓN

1.1 TIPU DE PERSONAS USUARIAS:

  • Personas físicas ou xurídicas con una idea ou proxectu empresarial de creación nueva que no momentu de formalizar el contratu d'arrendamientu tean formalizadas xurídicamente ya nun tengan más d'un añu d'antigüedá no momentu de la solicitú. Amás tienen que presentar un proxectu que suponga inversión ya empléu no Conceyu de Cangas.
  • Axentes Sociales con ideas ou proxectos que promocionen a las empresas ou ayuden a fomentar l'empléu no conceyu. Teniendo en cuenta'l carácter social d'estas entidades tarían suxetas a un conveniu especial.  
  • Empresas que, anque nun tean incluidas nos supuestos anteriores, sean consideradas d'interés por motivos estratéxicos ya/ou d'índole económica pal texíu socioeconómicu del conceyu.  
  • Personas de fuera que quieran usar los servicios de sala de xuntas, sala de conferencias, fotocopiadora, fax ya outros que nun futuru se definan cumo talos.

 

1.2  CRITERIOS PREFERENTES

  • Personas físicas ou xurídicas de creación nueva (non más d'un añu dende la súa constitución).  
  • Personas físicas ou xurídicas (con menos de dous años d'actividá) non consolidadas de forma que los/las responsables empresariales qu'al.lí s'asitien puedan acceder a una serie d'oportunidades ya servicios inaccesibles fuera d'esti ámbitu.  
  • Viables económica ya técnicamente.
  • Que favorezan l'empléu estable, sobre todo nos colectivos con más problemas d'inserción laboral.
  • Que favorezan el surdir d'actividades económicas necesarias pal desenvolvimientu endóxenu del conceyu.   
 

1.3  CRITERIOS DE VALORACIÓN

  • Viabilidá del Plan d'Empresa que garantice la permanencia ya estabilidá de los empleos, amás d'adecuación del proxectu a las instalaciones ya servicios del Centru d'Empresas, con un máximu de  3 puntos
  • Númaru de contratos xeneraos no conceyu ya la estabilidá d'estos. A razón de 1 puntu por cada empléu fixu ya 0.25 por cada temporal, con un máximu de 2.5 puntos
  • Que las contrataciones afecten a colectivos del conceyu con problemas d'inserción laboral, con un máximu de 2 puntos
  • Por ser sitiu de residencia de promotores ya empleaos, cuntando por cada empléu de residente 0.5 puntos se esti yía fixu ya 0.25 puntos se fose temporal (mínimu 6 meses pa que se compute) con un máximu de 2 puntos.
  • Por proxectu presentáu de carácter innovador ya con incidencia na diversificación productiva del l.lugar, 2 puntos
  • Empresas d'Economía Social, 0.5 puntos
  • En casu d'empate vei resolvese teniendo en cuenta las siguientes consideraciones: mayor númaru d'empleaos ya mayor antigüedá na fecha de solicitú
 

1.4  PROCEDIMIENTU

Las solicitudes d'accesu al centru pueden recoyese no propiu Centru d'Empresas ya na Axencia de Desenvolvimientu del Conceyu ya entregase no Rexistru del Conceyu del Ilmu. Conceyu de Cangas del Narcea.

Cono fin d'adxudicar ou denegar las solicitudes, créase un Comité Técnicu que van xuntase cumo mínimo una vez cada trimestre cono fin d'evaluar las distintas solicitudes presentadas.

Esta Comisión vei adxudicar ou denegar en función de los criterios expuestos, siendo primordial pa l'adxudicación  l'informe técnicu ya las rieglas de funcionamientu d'esti órganu, establecidas nos artículos 22 a 27 de la lei de Procedimientu Alministrativu Común.  

L'usu pa las personas físicas ou xurídicas externas siempre tien que ser compatible conas características físicas del centru ya'l fin al que tán destinadas, las solicitudes van presentase na Alministración del Centru d'Empresas, siguiendo'l modelu establecíu ya la súa resolución vei faela'l Presidente del Comité Técnicu.

 

1.5  DOCUMENTACIÓN A PRESENTAR

  • Fotocopia del DNI compulsada de la persona firmante de la solicitú
  • Plan d'empresa
  • Pa las personas xurídicas, escritura de constitución de la sociedá ya modificaciones posteriores, ou, no sou casu, alta del empresariu/a no réxime especial d'autónomos, todo incluyendo fotocopia compulsada  
  • No casu que correspuenda, documentu públicu de la representación alegada
  • Fotocopia compulsada del alta no Impuestu d'Actividades Económicas ya, no sou casu, del recibu del IAE, las dúas cousas de Cangas del Narcea
  • Documentu acreditativu de tar al corriente na Seguridá Social ya Facienda ya Principáu
 

1.6  DURACIÓN DE LOS CONTRATOS

La duración nos contratos d'arrendamientu pa las naves vei tener de mínimo 12 meses ya de máximo 36, prorrogables a 24 más, se se xustificasen las necesidades pa siguir accediendo a el.las.

Pa los servicios d'arrendamientu de naves fíxanse dúas mensualidades del preciu d'arrendamientu que tien de satisfacese en conceptu de garantía, sea la que sea la duración del contratu.

Una mesma empresa nun vei poder acceder al arrendamientu de dous módulos de las mesmas características, se bien vei poder faelo no casu de que sean complementarios, casu d'arrendamientu d'una nave ya d'una oficina pa la mesma empresa.