Centro de Empresas OBANCA 

!_cabzonapri

Acceso al área privada de la web

Está viendo:

¿QUIÉN SOMOS?

El Centru d'Empresas d'Oubanca, asitiáu no Polígonu Industrial d'Oubanca, nacíu no 2.004 pa faer por desenvolver proxectos empresariales no Conceyu de Cangas del Narcea. La súa xestión depende del Ilustrísimu Conceyu de Cangas del Narcea.  

La súa misión yía faer pola cultura empresarial, la creación d'empresas ya l'apoyu técnicu a las personas emprendedoras. D'esta manera actúa cumo promotor de la cultura emprendedora al traviés del fomentu d'iniciativas empresariales.   

El sou obxectivu yía la promoción económica comarcal al traviés del apoyu a las personas emprendedoras.  

El Centru d'Empresas d'Oubanca yía un espaciu físicu dotáu d'una infraestructura completa ya moderna que facilita l'arriendu d'un sitiu d'agospedamientu temporal dirixíu a:  

  • Personas físicas ou xurídicas con una idea ou proxectu empresarial de creación nueva, que no momentu de formalizar el contratu d'arrendamientu tean formalizadas xurídicamente ya nun tengan más d'un añu d'antigüedá no momentu de la solicitú. Amás tienen que presentar un proxectu que suponga inversión ya empléu no Conceyu de Cangas.  
  • Axentes Sociales con ideas ou proxectos que promocionen a las empresas ou ayuden a fomentar l'empléu no conceyu. Teniendo en cuenta'l carácter especial d'estas entidades tarían suxetas a un conveniu especial.  
  • Empresas que, anque nun tean incluidas nos supuestos anteriores, sean consideradas d'interés por motivos estratéxicos ya/ou d'índole económica pal texíu socioeconómicu de la zona.
  • Personas externas que quieran usar los servicios de Sala de Reguniones ya Conferencias, fotocopiadora, impresora, fax ya outros que no futuru se definan cumo talos.

Complementariamente'l Centru ufierta'l serviciu de Viveiru d'Empresas, dirixíu a las personas que cunten con una idea de negociu ya que necesiten apoyu no análisis de la súa viabilidá.